साहित्य:
१. हक्का नूडल्स १ पाकीट
२. प्रत्येकी १ वाटी चिरलेली कांद्याची पात, लांब चिरलेला कोबी
३. प्रत्येकी अर्धी वाटी गाजर, सिमला मिरची, श्रावण घेवडा लांब लांब चिरून
४. बारीक चिरलेला फ्लॉवर, मश्रूम प्रत्येकी अर्धी वाटी
५. बरीक चिरलेले आले, लसूण, मिरच्या प्रत्येकी १ टेबलस्पून
६. सोया सॉस, शेझवान सॉस प्रत्येकी ४ चमचे
७. चिली सॉस २ चमचे.
कृती:
१. एका पातेल्यात ८ कप पाणी गरम करावे. पाणी उकळले की त्यात हक्का नूडल्स घालून २-३ मिनिटे नूडल्स पाणी न घालता शिजवून घ्याव्या.
२. लगेच नूडल्स चाळणीत ओतून त्यातले गरं पाणी काढून टाकावे व त्या गार पाण्याखाली धराव्या. लगेच परातीत ओतून त्यावर १ टेबलस्पून तेल घालून टॉस करून घ्याव्या म्हणजे नूडल्स मोकळ्या होतात.
३. एका पसरट कढईमधे २ टेबलस्पून तेल गरम करावे. तेल सणसणीत तापून त्यातून जरासा धूर यायला लागला की त्यात आले, लसूण, मिरच्या घलून १ मिनिट परतावे. मग त्यावर गाजर, सिमला मिरची, श्रावण घेवडा घालून २ मिनिटे परतावे. मग त्यावर कोबी, फ्लॉवर घालून २ मिनिटे परतावे मग कांद्याची पात घालून १ मिनीट परतावे.
४. मग सर्व भाज्यांवर सोयासॉस, चिलीसॉस, शेझवान सॉस घालून परतावे.
५. त्यावर शिजवलेल्या भाज्या घालून नीट परतावे. भाज्या व सॉसचे मिश्रण नूडल्सला सगळीकडे सारखे लागले पाहिजे.
५. मग चवीप्रमाणे मीठ घालून परतावे आणि तयार नूडल्स कांद्याच्या पातीने गार्निश करून सर्व्ह कराव्या.
टीप्स:
१. सर्व भाज्या चिरताना अगदी बारीक चिराव्या.
२. नूड्ल्स फार शिजवू नये. चांगल्या लागत नाहीत. सगळ्या भाज्यासुद्धा कच्चटच ठेवाव्या. करकरीत लागल्या पाहिजेत.
३. पूर्ण वेळ गॅस मोठाच ठेवावा. मीठ जरा बेताने घालावे. कारण सोयासॉस व चिलीसॉस मधे मीठ असते.
४. ह्याच कृतीप्रमाणे नूडल्सच्या ऐवजी २ वाट्या तांदुळाचा मोकळा भात शिजवून घेऊन तो घालून शेझवान राईस करता येईल.
=====-----=====-----=====
Notice: The information contained in this e-mail
message and/or attachments to it may contain
confidential or privileged information. If you are
not the intended recipient, any dissemination, use,
review, distribution, printing or copying of the
information contained in this e-mail message
and/or attachments to it are strictly prohibited. If
you have received this communication in error,
please notify us by reply e-mail or telephone and
immediately and permanently delete the message
and any attachments. Thank you
